కలికి

అచ్చ తెలుగు పదమల్లె పలికిందీ ఈకలికి
ముచ్చటైన కవితల్లే నిలిచిందీ ఈకలికి

పచ్చ చీర గట్టినట్టి ప్రకృతిలాగ కనిపిస్తూ
పెళ్ళికూతురల్లె సిగ్గు లొలికిందీ ఈకలికి

తొలివేకువ కిరణంలా నులివెచ్చగ తాకుతూ
ఆమనిలో కోయిలలా పిలిచిందీ ఈ కలికి

వెంటాడే చూపులతో ఊసులేవొ వినిపిస్తూ
మకరందపు బిందువులే చిలికిందీ ఈకలికి

నవ కవితా గానంలో నాయకిలా నర్తిస్తూ
నండూరీ ఎంకిలాగ అలిగిందీ కలికి!!!