అంటాను 2 (పున్నాగవనం)

5.5..5..5(ఖండగతి)

భావాల జల్లులో తడవమని అంటాను
భావుకత్వపు గజలు పాడమని అంటాను

ముసుగులో నీ మోము దాచుతా వెందుకో?
ప్రేమయో !ద్వేషమో! చూపమని అంటాను

నినుచూడ మనసంత పూవనిగ మారింది
ప్రేమ జలమును రోజు పోయమని అంటాను

మోసాలు ద్వేషాలు దేశదౌర్భాగ్యాలు
మోహాల సంకెళ్ళు త్రెంచమని అంటాను

గజలునే వ్రాయగా సులభమే అయిననూ
విరుపులే తేవడం కష్టమని అంటాను

గజలుకే అందమ్ము విరుపులే శైలజా

భావాల పరిళము దూయమని అంటాను!!!