ఖండగతి..5 5 5 5
కలలతో గడపకా కదలమని అంటాను
కలముతో యుద్ధమే చేయమని అంటాను
నా పిలుపు సోకనీ దూరాన నీవుంటె
దైవమా రెక్కల్ని ఈయమని అంటాను
సృష్టిలో మాయనిది ప్రేమయే తెలుసుకో
నా ఆయుషే నీకు పోయమని అంటాను
తీరానికే నావ చేసేటి పయనాన
ఆటులూ పోటులూ ఖాయమని అంటాను
చెలిమినే పంచితే గ్రీష్మాన తొలకరే
మనసునే మల్లెలా పూయమని అంటాను
పున్నాగ పూవులే పూచాయి వనములో
నీ మురళి నొకసారి మ్రోగమని అంటాను
శైలజా! కురిసింది నేలపై చిరుజల్లు
అంకురమ్ములు తెచ్చి నాటమని అంటాను!!!
No comments:
Post a Comment