నా మనసే నీదయితే నవ్వులెన్ని కురిసాయో
నా ఊహల వాటికలో పూవులెన్ని మెరిసాయో
ఆశలెన్ని రేపావో ఈ పిడికెడు హృదయంలో
శ్వాసలైన వేళలలో స్వరములెన్ని మెరిసాయో
జ్ఞాపకాల సింధువులో దాచుకున్న ముత్యాలే
జాలువాఱు తరుణాన రవ్వలెన్ని మెరిశాయో
పాటలెన్ని పాడావో వలపుల పూదోటలో
బుగ్గలపై కెంపుచూసి సిగ్గులెన్ని మెరిశాయో
నీకన్నుల వాకిలిలో నన్నునేను దాచాలే
కావలిగా నేనుంటే కబురులెన్ని మెరిశాయో
చేరువలో నన్నుచూసి వీడుకోలు చెబుతావే
తీయనైన వేదనలో కవితలెన్ని మెరిశాయో!!!
No comments:
Post a Comment