దేవునితో ఒక్కమాట

దేవునితో ఒక్కమాట చెప్పాలనివుందీ
జీవమెందుకిచ్చావని అడగాలని వుంది

దారుణములు చూస్తున్నా నోరు మెదపలేని
మనసు నెందుకిచ్చావని అడగాలనివుంది

కులమతాల పేరిట సంకులసమరమ్ము జూసి
కన్నీటి నెందుకిచ్చావని అడగాలనివుంది

దానవత్వమే ధరణిని కబళిస్తుంటే
ఆశ లెందుకిచ్చావని అడగాలనివుంది

అక్షరతూణీరములు వదలెడు ఓ శైలజా
మాటలెందుకిచ్చావని అడగాలనివుంది..